اسلام آباد۔6اگست (اے پی پی) قومی اسمبلی اچ 5 اگست 2019ء دے مقبوضہ جموں تے کشمیر دی خصوصی حیثیت ختم کرݨ دے خلاف مذمتی قرارداد متفقہ طور منظور کر ڳھدی جدانجو ایوان مطالبہ کیتے جو بھارت کشمیری سیاسی قیدیاں کوں رہا کرے، انسانی حقوق دی جاری خلاف ورزیاں کوں روکے اتے اقوام متحدہ دی سلامتی کونسل دی متعلقہ قر ارداداں تے سنجیدگی نال عمل درآمد کراوے تانجو کشمیری عوام اقوام متحدہ دی سرپرستی اچ منصفانہ اتے غیر جانبدرانہ استصواب رائے دے جمہوری طریقہ کار نال آپݨے مستقبل کوں چݨݨ۔ منگل کوں قومی اسمبلی اچ وزیر امور کشمیر و گلگت بلتستان انجینئر امیر مقام 5 اگست 2019 دے بھارتی اقدام دے خلاف قرارداد ایوان اچ پیش کیتی۔ قرارداد اچ آکھیا ڳئیا جو قومی اسمبلی اچ پاکستان ایں امر کوں اجاگر کریندے جو پنج اگست 2019 کوں بھارت ولوں کیتے ہک پاسہ اقدام کوں ہر سال یوم استحصال دے طور منایا ویندے جیڑھا جو بھارتی غیر قانونی قبضے جموں تے کشمیر تے آپݨا جبری تسلط برقرار رکھݨ دے بھارتی عزم کوں نشابر کریندے۔ قرارداد اچ آکھیا ڳئیا جو اے ایوان حق خودارادیت دی منصفانہ جدوجہد اچ کشمیر دی مظلوم عوام نال یکجہتی کریندے۔ قرارداد اچ آکھیا ڳئیا جو اے ایوان ایں ڳالھ تے زور ݙیندے جو بھارتی دستور دے تابع کوئی وی سیاسی عمل جموں تے کشمیر دی عوام دے حق خودارادیت دے استعمال دا متبادل نی تھی سڳدا جینویں جو اقوام متحدہ دی سلامتی کونسل دی قرارداداں اچ وضاحت کیتی ڳئی اے۔ سپیکر قرارداد ایوان اش پیش کیتی جئیں کوں متفقہ طور منظور کر ڳھدا ڳئیا۔
.jpg)
.jpg)
